Arrantza arduratsua

Echebastarrek hegalaburraren arrantzan 1967tik dihardu, arrantza jasangarria, arrantza-produktuen erabilera arduratsua eta ingurumenarekiko errespetu handiena sustatuz.

2003tik 2015era gure arrantzatzeko ahalmena % 25ean murriztu dugu, gauzak egiteko beste era baten bila. Gainera, ULTRAIZOZKETAREN aldeko apustua egin dugu.

Gure ardura korporatiboaren ondorioz, ultraizozketa-prozesuan aitzindariak gara (-60 gradutako izozte-sistema), baita, era berean, hegalabur ultraizoztuaren ekoizpen- eta horniketa-kate osoan adituak ere. Echebastar kalitatezko hegalabur ultraizoztua ekoizten duen konpainia nazional bakarra da, eta nazioarteko konpainia oso gutxik egiten dute. Atunketari-izozkailuetan egiten da, tradizioz gatzunetan izozteko diseinatuak (-14 gradu). Gatzunetan izoztutako hegalaburra ohiko kontserbagileetara bideratzen dugu; aldiz, ultraizoztutako hegalaburra (-60° C), Echebastarren gure ALAKRANA hegalaburra ekoiztera. Hegalabur garbia.

Arrain-sarda libreak lehentasunez arrantzatzen dugu eta horiek inguratzeko teknikak erabiltzen ditugu. Hori dela eta, arrain gazteen eta lotutako beste espezie batzuen gainean talka egin dezaketen objektu flotatzaileak ekiditen ditugu. Arrain-sarda librea arrantzatzeko trazabilitate-ziurtagiria dugu. Halaber, gure ontziek harrapatutako arrainak bereizteko sistema berria dute: helburu ez den arrain bizia itsasora itzultzen du, ia giza presentziarik gabe.

Indiako Ozeanoan aritzen gara IOHBren (Indiako Ozeanoko Hegalaburrerako Batzordea) gainbegiradapean. Ontzian begirale independenteen % 100eko estalkia dugu, gure profesionalek itsasoan egindako lana ikuskatzen dutenak.

AZTI, MSC, Earth Island, ISSF… bezalako erakundeekin etengabeko elkarlanean, baliabidearen jasangarritasunaren eta jarduera onen alde lanean. Bai langileak bai tripulatzaileak arrantzan trebatzeko eta hobetzeko ikastaroetara joaten dira.

Pauso berria gure jasangarritasunaren aldeko konpromisoan gure MSC egiaztapen-prozesua da; izan ere, MSC programarekin (Marine Stewardship Council) konpromisoa duen hegalabur tropikala arrantzatzen jarduten duen lehen konpainia nazionala gara.

ECHEBASTAR BUSINESS ETHICS – PDF

NON-ENTANGLING FADS – PDF

Arrantza arduratsua

Ingurumenarekiko arduratsuak, baliabideekiko arduratsuak, gure jendearekiko arduratsuak, azken kontsumitzailearekiko arduratsuak. Hegalaburra eskaintzen dugu, bere gorengo freskurarekin, zaporearekin, testurarekin eta propietate osasungarriekin. Hegalabur garbia!

MSC-F-30029 – MSC-C-58240

IFS v7 ECHEBASTAR 2022-2023

APR-2022/0001 – APR-2022/0002

Gertaera nabarmenak

2006

Hegalabur ultraizoztuaren ekoizpena hasi zen (-60 gradu), Alakrana eraikitzearekin batera.

2008

Edukiontzi-izozkailu eta -ultraizozkailuetan arrainak azkar kargatzeko ekipoa garatzeko MAERSKekin batera egindako lana, munduko edozein tokitara helduz, edozein bolumenarekin.

2009

Gatz gutxiko arrainen ekoizpena.

2012

Euskal Herriko Unibertsitateko (UPV/EHU) Plentziako Itsas Estazioarekin (PIE) R&D elkarlanean.

2013

Las Palmas de Gran Canariako Unibertsitatearekin (ULPGC) R&D hitzarmenak.
Salmenta-kontratuan BYCATCH sartzen hasi zen, halabeharrezko arrantza helburu den arrain bihurtzen.

Munduko hegalaburraren industriako lehen konpainia ISSFen PVR erregistroan (Proactive Vessels Register) sartzen.

“Selective Purse Seiner Prototype” proiektu pilotua.

2013ko urtarriletik, gure ontzi guztietan sare metalikorik gabeko materialak dituzten objektuak jarri genituen, biodegradatzeko ehuneko handia dutenak.

ISSFen eskakizun guztiak bete genituen, ontziratutako begiraleei dagokienez.

Gure flotan belaunaldi berriko ontziak sartzen hasi ginen, honako hau zutenak:

Arrantzatzeko esfortzu gutxiago
Potentzia gutxiagoko motorrak (kontsumo gutxiago eta karbono aztarna txikiagoa)
Balio erantsi altuko arrain ultraizoztura bideratutako % 30eko ahalmena
Uhal garraiatzailea bizirik dagoen BYCATCH delakoa (helburu ez diren arrainak) itsasora itzultzeko

2014

Begiraleen % 100eko eta 24/7 estalkia gure itsasontzi guztietan.

2018

Lanpo sabelmarraduna arrantzaren MSC ziurtagiriaren lorpena. Inguraketaren bidezko arrantzan, MSC agiria lortzen duen munduko lehenengo atun tropikalen arrantza-enpresa da. Agiria ematen duen kontseilua mundu guztian arrantza-toki iraunkorrak eta ondo kudeatuak ziurtatzen dituen goreneko organo independentea da.

2019

Echebastarren MSC UP TO DATE ekimena martxan jarri dugu. Horri esker, etorkizun hobearen alde lan egiteko gauzatzen ditugun ekimen guztien berri izango duzu.

2020

SARETU proiektua jaio da. Proiektuak zientzia eta industriaren elkarlana dauka oinarrian, eta baztertutako arrantza-aparailuen arazoari ekonomia zirkularraren bidez irtenbidea emateko asmoa dauka. Gure helburua: baztertutako arrantza-sareak batzea eta birziklatzea. Egitasmoa Bermeo Tuna World Capital Elkarteak bultzatu du, eta honako hauek lankidetzan arituko dira: Echebastar atunaren arrantzako euskal konpainia (proiektuari sare zaharkituak hornitzen dizkio), AZTI teknologia-zentroa (proiektu-pilotua garatzen du) eta TERNUA (arrantza-sareak landu eta ehun-jantzi bihurtzen ditu). Informazio gehiago eskuratzeko: https://www.bermeotunaworldcapital.org/saretu/.

SUSTUNTECH (Sustainable Tuna Fisheries Through Advanced Earth Observation Tools) europar proiektuan parte hartu dugu. Proiektuaren helburua atun-ontzidiaren isurpenak eta erregaiaren kontsumoa % 20 eta 25 artean murriztea da. Informazio gehiago: https://www.sustuntech.eu/.

Echebastarren produktuen segurtasun, kalitate eta osasungarritasunaren aldeko apustuak nazioarteko beste aintzatespen bat lortu du. Atun-konpainia honek IFS Food egiaztapena lortu du, eta horrek Alakrana atunaren ekoizpenari bermetasun-plusa ematen dio.

2023

Koralen proiektua gauzatzea, arrainak kontzentratzeko gailuen eta koral-komunitateen arteko elkarrekintzen balizko ahalmena ikertzeko eta dokumentatzeko.

Echebastarren lehen MSC egiaztatze-zikloaren amaiera, hasierako baldintza guztiak beteta (2018). Eta bigarren ziklorako (2024/2028) berregiaztatze-prozesua hastea.

FADWATCH akordioa sinatzea, Seychelleetako Gobernuaren (SFA) eta industria-flotako (SIOTI/AGAC) kide guztien artean.